ਬਲਾਚੌਰ 24 ਦਸੰਬਰ ( ਜਤਿੰਦਰ ਪਾਲ ਸਿੰਘ ਕਲੇਰ ) ਲੈਮਰਿਨ ਟੈਕ ਸਕਿੱਲਜ਼ ਯੂਨੀਵਰਸਿਟੀ ਪੰਜਾਬ (ਐਲ ਟੀ ਐਸ ਯੂ) ਅਤੇ ਪੰਜਾਬ ਖਾਦੀ ਅਤੇ ਗ੍ਰਾਮ ਉਦਯੋਗ ਬੋਰਡ (ਪੀ ਕੇ ਵੀ ਆਈ ਬੀ ) ਨੇ ਪੰਜਾਬ ਵਿੱਚ ਹੁਨਰ ਵਿਕਾਸ ਅਤੇ ਉੱਦਮਤਾ ਸਿਖਲਾਈ ਪ੍ਰੋਗਰਾਮਾਂ ਵਿੱਚ ਸਹਿਯੋਗ ਕਰਨ ਲਈ ਇੱਕ ਸਮਝੌਤਾ ਪੱਤਰ (ਐਮ ਓ ਯੂ) ‘ਤੇ ਹਸਤਾਖਰ ਕੀਤੇ।
ਇਸ ਸਮਝੌਤੇ ਦੇ ਤਹਿਤ, ਪੰਜਾਬ ਖਾਦੀ ਐਂਡ ਪੇਂਡੂ ਇੰਡਸਟਰੀ ਬੋਰਡ ਨੋਡਲ ਅਤੇ ਸੁਪਰਵਾਈਜ਼ਰੀ ਅਥਾਰਟੀ ਵਜੋਂ ਕੰਮ ਕਰੇਗਾ, ਜਦੋਂ ਕਿ ਲੈਮਰਿਨ ਟੈਕ ਸਕਿੱਲਜ ਯੂਨੀਵਰਸਿਟੀ ਪੰਜਾਬ ਵੱਖ-ਵੱਖ ਕੇਂਦਰ ਅਤੇ ਰਾਜ ਸਰਕਾਰ ਦੀਆਂ ਯੋਜਨਾਵਾਂ, ਜਿਨ੍ਹਾਂ ਵਿੱਚ ਹੁਨਰ ਵਿਕਾਸ ਅਤੇ ਉੱਦਮਤਾ ਮੰਤਰਾਲੇ ਅਤੇ ਐਮ ਐਸ ਐਮ ਈ , ਸੀ ਐਸ ਆਰ ਆਦਿ ਮੰਤਰਾਲੇ ਸ਼ਾਮਲ ਹਨ, ਦੇ ਅਧੀਨ ਪ੍ਰਵਾਨਿਤ ਪ੍ਰੋਜੈਕਟਾਂ ਲਈ ਲਾਗੂ ਕਰਨ ਵਾਲੀ ਸਿਖਲਾਈ ਭਾਈਵਾਲ ਵਜੋਂ ਕੰਮ ਕਰੇਗਾ। ਇਸ ਸਾਂਝੇਦਾਰੀ ਦਾ ਉਦੇਸ਼ ਰੁਜ਼ਗਾਰਯੋਗਤਾ ਨੂੰ ਵਧਾਉਣਾ, ਉੱਦਮਤਾ ਨੂੰ ਉਤਸ਼ਾਹਿਤ ਕਰਨਾ, ਸਵੈ-ਰੁਜ਼ਗਾਰ ਦਾ ਸਮਰਥਨ ਕਰਨਾ ਅਤੇ ਰਾਜ ਭਰ ਦੇ ਨੌਜਵਾਨਾਂ, ਕਾਰੀਗਰਾਂ ਅਤੇ ਪੇਂਡੂ ਭਾਈਚਾਰਿਆਂ ਲਈ ਟਿਕਾਊ ਰੋਜ਼ੀ-ਰੋਟੀ ਦੇ ਮੌਕੇ ਪੈਦਾ ਕਰਨਾ ਹੈ।
ਇਹ ਸਮਝੌਤਾ, ਪੰਜਾਬ ਵਿੱਚ ਹੁਨਰ-ਅਧਾਰਤ ਸਿੱਖਿਆ ਅਤੇ ਪੇਂਡੂ ਆਰਥਿਕ ਵਿਕਾਸ ਨੂੰ ਮਜ਼ਬੂਤ ਕਰਨ ਲਈ ਐਲ ਟੀ ਐਸ ਯੂ ਅਤੇ ਪੀ ਕੇ ਵੀ ਆਈ ਬੀ (ਪੀ ਕੇ ਵੀ ਆਈ ਬੀ ) ਦੀ ਸਾਂਝੀ ਵਚਨਬੱਧਤਾ ਨੂੰ ਦਰਸਾਉਂਦਾ ਹੈ। ਸ਼੍ਰੀ ਐਨ ਐਸ ਰਿਆਤ ਚਾਂਸਲਰ ਲੈਮਰਿਨ ਟੈਕ ਸਕਿਲਜ਼ ਯੂਨੀਵਰਸਿਟੀ , ਪ੍ਰੋਫੈਸਰ ਬੀ.ਐਸ. ਸਤਿਆਲ ਰਜਿਸਟਰਾਰ, ਸ਼੍ਰੀ ਵਿਮਲ ਮਨਹੋਤਰਾ ਸੀਈਓ, ਡਾ. ਆਸ਼ੂਤੋਸ਼ ਸ਼ਰਮਾ, ਡਾ. ਐਚ.ਪੀ.ਐਸ. ਧਾਮੀ, ਮਨਦੀਪ ਕੌਰ (ਡਿਪਟੀ ਡੀਨ) ਲੈਮਰਿਨ ਟੈਕ ਸਕਿੱਲਜ਼ ਯੂਨੀਵਰਸਿਟੀ ਪੰਜਾਬ ਅਤੇ
ਸ਼੍ਰੀ ਇੰਦਰਜੀਤ ਸਿੰਘ ਮਾਨ, ਮਾਣਯੋਗ ਚੇਅਰਮੈਨ, (ਪੰਜਾਬ ਖਾਦੀ ਐਂਡ ਪੇਂਡੂ ਇੰਡਸਟਰੀ ਬੋਰਡ )ਸ਼੍ਰੀ ਰਮਨਦੀਪ ਸਿੰਘ, ਮੈਂਬਰ ਸਕੱਤਰ,
ਸ਼੍ਰੀ ਦਵਿੰਦਰ ਸਿੰਘ, ਨੋਡਲ ਅਫਸਰ,
ਸ਼੍ਰੀ ਅਮਿਤ ਚੋਪੜਾ, ਸੀਨੀਅਰ ਸਲਾਹਕਾਰ,
ਸ਼੍ਰੀ ਅਰਪਿਤ ਗੁਪਤਾ, ਐਡਮਿਨ.(ਪੀ ਕੇ ਵੀ ਆਈ ਬੀ ) ਇਸ ਮੌਕੇ ਮੌਜੂਦ ਸਨ।
