ਦੋਆਬੇ ‘ਚ’ ਝੋਨੇ ਦੀ ਲੁਆਈ ਜੋਰਾਂ  ‘ਤੇ

 ਗਰਮੀ ਵੀ ਆਪਣੀ ਪੂਰੇ ਸਿਖਰਾ ਤੇ ,ਕਿਸਾਨ ਵੀ ਟਰੈਕਟਰਾਂ ਨਾਲ ਲੱਗੇ ਕੱਦੂ ਕਰਨ ਜੋਰਾਂ ਨਾਲ

ਨਵਾਂਸ਼ਹਿਰ /ਕਾਠਗੜ੍ਹ 10 ਜੂਨ (ਜਤਿੰਦਰ ਪਾਲ ਸਿੰਘ ਕਲੇਰ )

ਦੋਆਬੇ ਵਿੱਚ ਝੋਨੇ ਦੀ ਲੁਆਈ ਨੇ ਜੋਰ ਫੜ ਲਿਆ ਹੈ | ਜਦਕਿ ਉਪਰੋ ਗਰਮੀ ਵੀ ਪੂਰੇ ਸਿਖਰਾਂ ਤੇ ਹੈ | ਇਸ ਤੱਪਦੀ ਗਰਮੀ ਵਿੱਚ ਕਿਸਾਨ ਵੀ ਟਰੈਕਟਰਾਂ ਨਾਲ ਖੇਤਾਂ ਵਿੱਚ ਕੱਦੂ ਪੂਰੇ ਜੋਰਾਂ ਨਾਲ ਕਰਨ ਲੱਗੇ ਹੋਏ ਹਨ |  ਲੇਬਰ ਦੇ ਵੱਲੋਂ ਵੀ ਤਿਆਰ ਖੇਤਾਂ ਵਿੱਚ ਨਾਲੋਂ ਨਾਲ ਝੋਨੇ ਦੀ ਪਨੀਰੀ ਲਗਾਈ ਜਾ ਰਹੀ ਹੈ | ਗਰਮੀ ਨੇ ਵੀ ਲੋਕਾਂ ਦੇ ਪਸੀਨੇ ਛੁਡਾਏ ਹੋਏ | ਮਾਨਸੂਨ ਅਜੇ ਆਉਦੀ ਜਿਸਦੀ ਨਹੀ ਹੈ | ਜਿਸਦੇ ਚੱਲਦੇ ਧਰਤੀ ਪੂਰੀ ਤਰ੍ਹਾਂ ਝੁਲਸੀ ਹੋਈ ਹੈ | ਜਨ ਜੀਵਨ ਪੂਰੀ ਤਰ੍ਹਾਂ ਨਾਲ  ਪ੍ਰਭਾਵਿਤ ਹੋ ਰਿਹਾ  |  ਸਰਕਾਰ ਵੱਲੋਂ ਮੋਟਰਾਂ ਦੀ ਵੀ ਨਿਰਵਿਘਨ ਸਪਲਾਈ ਦਿੱਤੀ ਜਾ ਰਹੀ ਹੈ | ਝੋਨੇ ਦਾ ਸੀਜਨ ਲਗਾਉਣ ਦੇ ਲਈ ਯੂਪੀ ਬਿਹਾਰ ਤੋਂ ਲੇਬਰ ਦੀਆਂ ਟ੍ਰੇਨਾਂ ਭਰ ਕੇ ਮਜਦੂਰ ਆ ਰਹੇ ਹਨ | ਕਿਸਾਨਾਂ ਦੇ ਵੱਲੋਂ ਰੇਲਵੇ ਸਟੇਸ਼ਨਾਂ ਤੇ ਡੇਰੇ ਲਗਾਏ ਹੋਏ ਹਨ | ਇਸ ਵਾਰ ਲੱਗਦਾ ਲੇਬਰ ਦੀ ਕਮੀ ਮਹਿਸਸੂ ਨਹੀ ਹੋਵੇਗੀ | ਝੋਨਾ ਲਗਾਉਣ ਵਾਲੇ ਕਿਸਾਨਾਂ ਦਾ ਮੰਨਣਾ ਹੈ ਕਿ ਮੀਂਹ ਪੈ ਜਾਵੇ ਤਾਂ ਧਰਤੀ ਵੀ ਠੰਡੀ ਹੋ ਜਾਵੇ |  ਤਾਂ ਹੀ ਪਾਣੀ ਖੇਤਾਂ ਵਿੱਚ ਰੁਕੇਗਾ | ਕਿਉਕਿ ਮੀਂਹ ਨਾਲ ਧਰਤੀ ਦੇ ਮੁਸਾਮ ਜਲਦੀ ਭਰ ਜਾਂਦੇ ਹਨ | ਜਿਸ ਨਾਲ ਉਸ ਨੂੰ  ਕੁਝ ਰਾਹਤ ਮਿਲ ਜਾਦੀ ਹੈ |