ਨਵਾਂਸ਼ਹਿਰ /ਰੂਪਨਗਰ (ਜਤਿੰਦਰ ਪਾਲ ਸਿੰਘ)
ਇੱਥੋਂ ਨੇੜਲੇ ਪਿੰਡ ਬੱਢਲ ਨਾਲ ਸਬੰਧਿਤ ਗੁਰਸਿੱਖ ਨੌਜੁਆਨ ਜ਼ਸਪ੍ਰੀਤ ਸਿੰਘ ਵਲੋਂ ਆਪਣੀ ਲਗਨ ਅਤੇ ਸਖਤ ਮਿਹਨਤ ਨਾਲ ਕਨੈਡਾ ਦੀ ਫੌਜ਼ ਵਿੱਚ ਬਤੌਰ ਲੈਫਟੀਨੈਂਟ ਭਰਤੀ ਹੋਇਆ ਹੈ। ਜਿਸ ਤੋਂ ਬਾਅਦ ਪਿੰਡ ਵਾਸੀਆਂ ਵਲੋਂ ਉਕਤ ਨੌਜੁਆਨ ਦਾ ਆਪਣੇ ਪਿੰਡ ਆਉਣ ਤੇ ਭਰਵਾ ਸਵਾਗਤ ਅਤੇ ਸਨਮਾਨ ਕੀਤਾ ਗਿਆ ਹੈ।ਦੱਸਣਯੋਗ ਹੈ ਕਿ ਉਹ ਆਪਣੇ ਸਮੇਂ ਵਿੱਚ ਪਹਿਲਵਾਨੀ ਕਰਨ ਵਾਲੇ ਕੁਲਦੀਪ ਸਿੰਘ ਅਤੇ ਮਾਤਾ ਜਸਵੀਰ ਕੌਰ ਦਾ ਪੁੱਤਰ ਹੈ।ਜਿਨ੍ਹਾ ਵਲੋਂ ਲੰਬੇ ਸਮੇਂ ਤੋਂ ਕਸਬਾ ਚੁੰਨੀ ਨੇੜੇ ਪਿੰਡ ਸੈਂਪਲੀ ਨੂੰ ਆਪਣਾ ਰੈਣ ਬਸੇਰਾ ਬਣਾ ਲਿਆ ਸੀ। ਇਹ 31 ਸਾਲਾ ਨੌਜੁਆਨ ਫਾਰਮੇਸੀ ਕਾਲਜ ਬੇਲਾ ਤੋਂ ਬੀ. ਫਾਰਮੇਸੀ ਕਰਨ ਤੋਂ ਬਾਅਦ ਉਚੇਰੀ ਪੜ੍ਹਾਈ ਲਈ ਕਨੈਡਾ ਦੇ ਓਂਟਾਰੀਓ ਚਲੇ ਗਏ ਸੀ। ਅਤੇ ਇਸ ਦੀ ਇੱਕ ਭੈਣ ਅਨਮੋਲਪ੍ਰੀਤ ਕੌਰ ਵੀ ਕੈਨੇਡਾ ਹੀ ਰਹਿੰਦੀ ਹੈ। ਉਸਤੋਂ ਬਾਅਦ ਇਸ ਨੌਜ਼ੁਆਨ ਨੇ ਆਸਟ੍ਰੇਲੀਆ ਤੋਂ ਮਾਸਟਰ ਡਿਗਰੀ ਹਾਸਲ ਕਰਕੇੇ 2024 ਵਿੱਚ ਕਨੈਡਾ ਵਾਪਸ ਆ ਕੇ ਫੌਜ਼ ਦੀ ਪ੍ਰੀਖਿਆ ਦਿੱਤੀ। ਤੇ ਕੈਨੈਡਾ ਫੌਜ਼ ਵਿੱਚ ਬਤੌਰ ਤੋਪਖਾਨਾ ਅਫਸਰ ਵਜੋਂ ਚੁਣਿਆ ਗਿਆ ਹੈ। ਜ਼ੋਕਿ ਭਾਰਤੀ ਫੌਜ਼ ਵਿੱਚ ਲੈਫਟੀਨੈਟ ਦੇ ਬਰਾਬਰ ਦਾ ਆਹੁਦਾ ਹੈ।
ਇਸ ਸਬੰਧੀ ਲੈਫਟੀਨੈਂਟ ਬਣੇ ਜ਼ਸਪ੍ਰੀਤ ਸਿੰਘ ਨੇ ਕਿਹਾ ਕਿ ਉਹ ਪਿੰਡ ਵਾਸੀਆਂ ਦੇ ਬਹੁਤ ਧੰਨਵਾਦੀ ਹਨ, ਜਿਨ੍ਹਾਂ ਉਸਦਾ ਮਾਣ ਸਨਮਾਨ ਕੀਤਾ ਹੈ। ਇਸ ਤੋਂ ਪਹਿਲਾਂ ਪਿੰਡ ਦੀ ਸਰਪੰਚ ਹਰਪ੍ਰੀਤ ਕੌਰ ਅਤੇ ਨੌਜ਼ੁਆਨ ਆਗੂ ਪ੍ਰਿਤਪਾਲ ਸਿੰਘ ਕੂਨਰ ਅਤੇ ਸੂਬੇਦਾਰ ਸਰਵਣ ਸਿੰਘ ਨੇ ਕਿਹਾ ਕਿ ਬਹੁਤ ਹੀ ਮਾਣ ਦੀ ਗੱਲ ਹੈ ਕਿ ਸਾਡੇ ਇਲਾਕੇ ਦਾ ਨੌਜੁਆਨ ਵਲੋਂ ਕੈਨੇਡਾ ਦੀ ਧਰਤੀ ਤੇ ਪਹੰੁਚ ਕੇ ਵੱਡਾ ਆਹੁਦਾ ਹਾਸਲ ਕੀਤਾ ਹੈ।ਜਿਸ ਤੋਂ ਅੱਜ ਦੀ ਨਸ਼ੇ ਦੀ ਦਲਦਲ ਵਿੱਚ ਫਸ ਚੁੱਕੀ ਨੌਜੁਆਨ ਪੀੜੀ ਨੂੰ ਵੀ ਸਬਕ ਲੈਣਾ ਚਾਹੀਦਾ ਹੈ।ਦਸ ਦੇਈਏ ਕਿ ਉਹ ਪਿੰਡ ਬੱਢਲ ਦੇ ਮਾਧੋ ਰਾਮ ਦਾ ਪੋਤਰਾ ਅਤੇ ਸੇਵਾ ਮੁਕਤ ਅਧਿਆਪਕ ਮਾਸਟਰ ਦੇਵ ਰਾਜ ਸੈਣੀ ਦੇ ਪਰਿਵਾਰ ਨਾਲ ਸਬੰਧਿਤ ਹੈ। ਇਹ ਨੋਜਵਾਨ ਜਿਲ੍ਹਾ ਫਤਿਹਗੜ ਸਾਹਿਬ ਦੇ ਡੇਰਾ ਮੋਇਆਂ ਦੀ ਮੰਡੀ ਨਾਲ ਸਬੰਧਤ ਮਰਹੂਮ ਬਾਬਾ ਪ੍ਰੀਤਮ ਸਿੰਘ ਤੇ ਪਿੰਡ ਨਿੱਕੂਵਾਲ ਦੀ ਸਰਪੰਚ ਮਨਜੀਤ ਕੌਰ ਦਾ ਭਤੀਜਾ ਹੈ। ਇਸ ਮੌਕੇ ਇੰਸ: ਰਣਵੀਰ ਸਿੰਘ, ਸੂਬੇਦਾਰ ਗਿਆਨ ਸਿੰਘ, ਹਰਪ੍ਰੀਤ ਕੌਰ, ਗੁਰਸ਼ਰਨ ਸਿੰਘ, ਗੁਰਸੇਵਕ ਸਿੰਘ, ਜਸਵਿੰਦਰ ਸਿੰਘ, ਇਕਬਾਲ ਸਿੰਘ, ਨਿੱਕਾ ਸਿੰਘ, ਜ਼ਸਵਿੰਦਰ ਕੌਰ, ਹੌਲਦਾਰ ਸੋਹਣ ਸਿੰਘ ਸਮੇਤ ਵੱਡੀ ਗਿਣਤੀ ਵਿੱਚ ਪਿੰਡ ਵਾਸੀ ਹਾਜਰ ਸਨ।
