ਟੈਲੀਕਾਮ ਧੋਖਾਧੜੀ ’ਚ 2,876 ਸ਼ੱਕੀਆਂ ਨੂੰ ਮਿਆਂਮਾਰ ਤੋਂ ਕੱਢਿਆ

ਬੀਜਿੰਗ: ਟੈਲੀਕਾਮ ਧੋਖਾਧੜੀ ਦੇ ਸ਼ੱਕ ‘ਚ 2,800 ਤੋਂ ਵੱਧ ਲੋਕਾਂ ਨੂੰ ਮਿਆਂਮਾਰ ਤੋਂ ਵਾਪਸ ਚੀਨ ਮੁਕੱਦਮੇ ਦਾ ਸਾਹਮਣਾ ਕਰਨ ਲਈ ਭੇਜਿਆ ਗਿਆ ਹੈ। ਚੀਨ ਦੇ ਜਨਤਕ ਸੁਰੱਖਿਆ ਮੰਤਰਾਲੇ ਅਨੁਸਾਰ, ਚੀਨ, ਮਿਆਂਮਾਰ ਅਤੇ ਥਾਈਲੈਂਡ ਦੇ ਸਾਂਝੇ ਪ੍ਰਚਾਰ ਤੋਂ ਬਾਅਦ ਮਿਆਂਮਾਰ ਦੇ ਮਯਾਵਦੀ ਤੋਂ ਕੁੱਲ 2,876 ਸ਼ੱਕੀਆਂ ਨੂੰ ਵਾਪਸ ਲਿਆਂਦਾ ਗਿਆ। ਇਹ ਸਾਂਝਾ ਆਪਰੇਸ਼ਨ, ਜੋ 20 ਫਰਵਰੀ ਨੂੰ ਸ਼ੁਰੂ ਹੋਇਆ, ਵੱਡੇ ਪੱਧਰ ਤੇ ਵਾਪਸੀ ਨੂੰ ਇੱਕ ਮਹੱਤਵਪੂਰਨ ਕਦਮ ਮੰਨਿਆ ਜਾ ਰਿਹਾ ਹੈ। ਚੀਨ ਦੇ ਜਨਤਕ ਸੁਰੱਖਿਆ ਮੰਤਰਾਲੇ ਮੁਤਾਬਕ, ਇਹ “ਵਿਦੇਸ਼ੀ ਅਪਰਾਧਕ ਗਿਰੋਹਾਂ ਦੇ ਖਿਲਾਫ਼ ਸ਼ਕਤੀਸ਼ਾਲੀ ਕਾਰਵਾਈ” ਹੈ। ਪਿਛਲੇ ਮਹੀਨੇ, ਚੀਨ ਦੀ ਇੱਕ ਅਦਾਲਤ ਨੇ ਸਰਹੱਦ ਪਾਰ ਦੂਰਸੰਚਾਰ ਧੋਖਾਧੜੀ ਮਾਮਲੇ ਵਿਚ ਸ਼ਾਮਲ ਚਾਰ ਪ੍ਰਮੁੱਖ ਲੋਕਾਂ ਨੂੰ ਉਮਰ ਕੈਦ ਦੀ ਸਜ਼ਾ ਦਿੱਤੀ। ਧੋਖਾਧੜੀ ਕਰਨ ਵਾਲਿਆਂ ਨੇ ਭਾਰਤ ਅਤੇ ਹੋਰ ਦੇਸ਼ਾਂ ਵਿੱਚ ਪੀੜਤਾਂ ਨੂੰ ਨਿਸ਼ਾਨਾ ਬਣਾਉਣ ਲਈ ਅੰਗਰੇਜ਼ੀ ਅਤੇ ਚੀਨੀ ਵਰਗੀਆਂ ਭਾਸ਼ਾਵਾਂ ਵਿੱਚ ਮਾਹਿਰ ਕਾਮਿਆਂ ਦੀ ਭਰਤੀ ਕੀਤੀ ਸੀ।