ਬਲਾਚੌਰ , 28 ਸਤੰਬਰ (ਜਤਿੰਦਰਪਾਲ ਸਿੰਘ ਕਲੇਰ) :
ਸਤਿਗੁਰੂ ਭੂਰੀਂ ਵਾਲਿਆਂ ਦੀ ਕੁਟੀਆ ਧਾਮ ਨਿੱਘੀ ਵਿਖੇ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਪ੍ਰਬੰਧਕ ਕਾਬਲ ਸਿੰਘ ਚੇਚੀ ਅਤੇ ਸੇਵਾਦਾਰਾਂ ਦੇ ਉਪਰਾਲਿਆਂ ਸਦਕਾ ਨਗਰ ਦੇ ਸਹਿਯੋਗ ਨਾਲ ਪਿਛਲੇ ਤਿੰਨ ਦਿਨਾਂ ਤੋਂ ਰੱਖੇ ਗਏ ਸੰਤ ਗਰੀਬ ਦਾਸ ਜੀ ਦੀ ਬਾਣੀ ਦੇ ਪਾਠ ਦੇ ਭੋਗ ਪਾਏ ਗਏ। ਭੋਗ ਉਪਰੰਤ ਧਵਜਾਰੋਹਨ (ਝੰਡਾ ਲਹਿਰਾਉਣ) ਦੀ ਰਸਮ ਅਦਾ ਕੀਤੀ ਗਈ ਅਤੇ ਧਾਰਮਿਕ ਸਮਾਗਮ ਦਾ ਆਯੋਜਨ ਕੀਤਾ ਗਿਆ।
ਇਸ ਮੌਕੇ ਮੁੱਖ ਤੌਰ ‘ਤੇ ਸਵਾਮੀ ਸਚਿਦਾਨੰਦ ਜੀ ਮਹਾਰਾਜ ਭੂਰੀਂ ਵਾਲੇ ਮਣਸੇਵਾਲ ਵਾਲਿਆਂ ਨੇ ਸ਼ਿਰਕਤ ਕੀਤੀ। ਸੰਗਤ ਦੇ ਭਾਰੀ ਇਕੱਠ ਨੂੰ ਸੰਬੋਧਨ ਕਰਦਿਆਂ ਸਵਾਮੀ ਸਚਿਦਾਨੰਦ ਜੀ ਨੇ ਕਿਹਾ ਕਿ ਮਨ ਦੀ ਸ਼ਾਂਤੀ ਲਈ ਜੀਵ ਨੂੰ ਨਾਮ ਬਾਣੀ ਨਾਲ ਜੁੜੇ ਰਹਿ ਕੇ ਸਿਮਰਨ ਕਰਨਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਸਤਿਗੁਰੂ ਭੂਰੀਂ ਵਾਲਿਆਂ ਨੇ ਹਮੇਸ਼ਾ ਗਰੀਬਾਂ ਦੀ ਰੱਖਿਆ ਕਰਨ, ਦਿਆਵਾਨ ਬਣਨ ਅਤੇ ਪਿਆਰ ਭਾਈਚਾਰੇ ਨਾਲ ਰਹਿਣ ਦਾ ਸੰਦੇਸ਼ ਦਿੱਤਾ ਹੈ।
ਸਮਾਗਮ ਦੌਰਾਨ ਸੰਗਤ ਲਈ ਚਾਹ ਪਕੌੜਿਆਂ ਤੋਂ ਬਾਅਦ ਵਿਸ਼ਾਲ ਲੰਗਰ ਦਾ ਆਯੋਜਨ ਵੀ ਕੀਤਾ ਗਿਆ।
ਇਸ ਮੌਕੇ ਬੁੱਧੀਜੀਵੀਆਂ ਅਤੇ ਪਤਵੰਤੇ ਸੱਜਣਾਂ ਵਿੱਚ ਕੇਵਲ ਚੌਧਰੀ, ਸੁਖਦੇਵ ਸਿੰਘ, ਸੰਦੀਪ ਚੇਚੀ ਨਿੱਘੀ , ਨਵਜੀਵਨ, ਬਲਵੀਰ ਚੌਧਰੀ, ਦੇਸ ਰਾਜ, ਸੋਨੂੰ ਪੰਚ, ਜਸਪਾਲ ਜੱਸੀ, ਰੋਸ਼ਨ ਲਾਲ ਭਾਟੀਆ, ਕਮਲਜੀਤ ਚੌਧਰੀ, ਰਾਮ ਸਿੰਘ, ਸੁਖਦੇਵ ਚੌਧਰੀ, ਹਰਬੰਸ ਲਾਲ, ਭਿੰਦਾ ਚੌਧਰੀ, ਸਰਪੰਚ ਸੰਤੋਸ਼ ਪੰਚ ਅਤੇ ਸਤੀਸ਼ ਆਦਿ ਵਿਸ਼ੇਸ਼ ਤੌਰ ‘ਤੇ ਹਾਜ਼ਰ ਰਹੇ।
Leave a Reply