ਮੁੰਬਈ ਇੰਡੀਅਨਜ਼ ਨੇ ਵੁਮੈਨਜ਼ ਪ੍ਰੀਮੀਅਰ ਲੀਗ ਦੇ ਫਾਈਨਲ ਵਿੱਚ ਦਿੱਲੀ ਕੈਪਿਟਲਸ ਨੂੰ 8 ਦੌੜਾਂ ਨਾਲ ਹਰਾ ਦਿੱਤਾ, ਜਿਸ ਨਾਲ ਉਹ ਦੂਜੀ ਵਾਰ WPL ਚੈਂਪੀਅਨ ਬਣ ਗਏ ਹਨ। ਇਹ ਮੈਚ ਮੁੰਬਈ ਦੇ ਬ੍ਰੇਬੋਰਨ ਸਟੇਡੀਅਮ ਵਿੱਚ ਹੋਇਆ, ਜਿੱਥੇ ਮੁੰਬਈ ਨੇ ਪਹਿਲਾਂ 149 ਦੌੜਾਂ ਬਣਾਈਆਂ। ਦਿੱਲੀ ਕੈਪਿਟਲਸ ਨੇ ਆਖਰੀ ਤੱਕ ਕੋਸ਼ਿਸ਼ ਕੀਤੀ, ਪਰ 8 ਦੌੜਾਂ ਨਾਲ ਟੀਚਾ ਹਾਸਲ ਕਰਨ ਵਿੱਚ ਨਾਕਾਮ ਰਹੀ। ਮੈਚ ਆਖਰੀ ਓਵਰ ਤੱਕ ਗਿਆ, ਪਰ ਕਪਤਾਨ ਮੈਗ ਲੈਨਿੰਗ ਆਪਣੀ ਟੀਮ ਨੂੰ ਤੀਜੀ ਵਾਰ ਫਾਈਨਲ ਹਾਰ ਤੋਂ ਨਹੀਂ ਬਚਾ ਸਕੀ।
ਇਹ ਮੈਚ ਬਹੁਤ ਹੀ ਰੋਮਾਂਚਕ ਸੀ। WPL 2025 ਟੂਰਨਾਮੈਂਟ ਵਿੱਚ ਬ੍ਰੇਬੋਰਨ ਸਟੇਡੀਅਮ ‘ਚ ਇੱਕ ਵਾਰ ਫਿਰ ਟੀਮ ਨੂੰ ਟਾਰਗਟ ਚੇਜ਼ ਕਰਦੇ ਹੋਏ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਮੁੰਬਈ ਨੇ ਟਾਸ ਹਾਰ ਕੇ ਪਹਿਲਾਂ ਬੈਟਿੰਗ ਕੀਤੀ। ਬੁਰੇ ਸ਼ੁਰੂਆਤ ਦੇ ਬਾਵਜੂਦ, ਕਪਤਾਨ ਹਰਮਨਪ੍ਰੀਤ ਕੌਰ ਅਤੇ ਨੈਟ ਸਾਇਵਰ-ਬਰੰਟ ਨੇ 89 ਦੌੜਾਂ ਦੀ ਸਾਂਝ ਨਾਲ ਟੀਮ ਨੂੰ ਮੁਸ਼ਕਲ ਤੋਂ ਬਾਹਰ ਕੱਢਿਆ। ਹਰਮਨਪ੍ਰੀਤ ਨੇ 66 ਦੌੜਾਂ ਬਣਾਈਆਂ, ਜਦਕਿ ਸਾਇਵਰ-ਬਰੰਟ ਨੇ 30 ਦੌੜਾਂ ਦਾ ਯੋਗਦਾਨ ਦਿੱਤਾ।
ਦਿੱਲੀ ਦੀ ਪਾਰੀ ਵਿੱਚ, ਮੈਰੀਜਨ ਕੈਪ ਅਤੇ ਜੇਮੀਮਾ ਰੋਡਰੀਗਜ਼ ਤੋਂ ਇਲਾਵਾ ਕੋਈ ਵੀ ਖਿਡਾਰੀ ਵੱਡੀ ਪਾਰੀ ਨਹੀਂ ਖੇਡ ਸਕੀ। ਕੈਪ ਨੇ 40 ਅਤੇ ਰੋਡਰੀਗਜ਼ ਨੇ 30 ਦੌੜਾਂ ਬਣਾਈਆਂ। ਦਿੱਲੀ ਨੂੰ ਜਿੱਤ ਲਈ 14 ਦੌੜਾਂ ਦੀ ਲੋੜ ਸੀ, ਪਰ ਆਖਰੀ ਗੇਂਦ ‘ਤੇ ਕੇਵਲ 1 ਦੌੜ ਮਿਲੀ, ਜਿਸ ਨਾਲ ਮੁੰਬਈ ਨੇ 8 ਦੌੜਾਂ ਨਾਲ ਜਿੱਤ ਹਾਸਲ ਕੀਤੀ।
ਇਹ ਮੁੰਬਈ ਇੰਡੀਅਨਜ਼ ਦੀ WPL ਵਿੱਚ ਦੂਜੀ ਵਾਰ ਜਿੱਤ ਹੈ। ਪਹਿਲੇ ਸੀਜ਼ਨ ਵਿੱਚ ਵੀ ਉਹਨਾਂ ਨੇ ਦਿੱਲੀ ਨੂੰ 7 ਵਿਕਟਾਂ ਨਾਲ ਹਰਾਇਆ ਸੀ। ਹੁਣ, ਮੁੰਬਈ WPL ਦਾ ਖਿਤਾਬ ਦੋ ਵਾਰ ਜਿੱਤਣ ਵਾਲੀ ਇਕੱਲੀ ਟੀਮ ਬਣ ਗਈ ਹੈ, ਜਦਕਿ ਦਿੱਲੀ ਨੇ ਤੀਜੀ ਵਾਰ ਫਾਈਨਲ ਹਾਰ ਦਾ ਸਾਹਮਣਾ ਕੀਤਾ ਹੈ।
ਮੁੰਬਈ ਇੰਡੀਅਨਜ਼ ਦੂਜੀ ਵਾਰ ਬਣੀ WPL ਚੈਂਪੀਅਨ
